ئەلف مەحموودی بانازناوی ئاوات لەدایکبووی 1/5/1378 خەڵکی یەکێک لە گوندەکانی چاڵدۆران سەر بە ئازەربایجانی رۆژئاوا لەدیمانەیەکدا لەگەڵ کوردپارێز وتی: باوکم خاوەن کارگەیەکی ئابووری ناوچەکە بوو کە بە هۆی هەندێ کێشەوە مایەپووچ بوو و ماڵباتەکەمان رووبەڕووی کێشەی نەداری بوونەوە.
ئەم ئەندامەی پێشووی پەژاک لەبارەی هۆکاری تەڤلی بوونی دەڵێت: بە هۆی کێشەی دارایی و ماڵباتی ماڵم بە جێ هێشت و بۆ ئیش کردن دەستم بە کۆڵبەری کرد. ئەو بە ئاماژە بە مەرجی دژواری ژیانی پێش تەڤلی بوون وتی: بە هۆی نەبوونی شوێنێک بۆ نووستن شەوانە لە پارک و مزگەوتەکاندا دەخەوتم. بە لەبەرچاوگرتنی مەرجەکانی کۆڵبەری دەڕۆیشتمە نێو خاکی ئێراقەوە و دوای سێ رۆژ وەیلان بوون کەوتمە ژێر کاریگەری یەکێک لەکادیرەکانی ئەو گروپە کە بەڵێنی ژیانێکی باشتر و هەروەها دروشمی هەستیارانە و نەتەوەپەرەستانەی هەڵدەدا و لەبەر ئەوەی کە وەیلان بوون ناچار بووم تەڤلی بم.
ناوبراو لەدرێژەدا لەبارەی کردەوە تێرۆریستییەکانی پەژاک لەناوخۆی وڵات دەڵێت: لەم ساڵانەدا کە ئەندامی ئەم گرووپە بووم بە چاوم بینیم کە ئەم گرووپە تیمی سەربازی دەهەنارد بۆ گوندە سنووریەکان تا خەڵک بخاتە ژێر گوشارەوە و باجیان لێوەربگرێت لەچەندێکیان بۆ خۆشم هەبووم.
ئەم هاوڵاتییە کورد کە ئێستا توانیویە هەڵبێت دەڵێت: لەرۆژەکانی سەرەتایی رۆیشتنم بۆ قەندیل و بە بینینی دۆخەکە تێگەیشتم کە درۆیان لەگەڵ داوم ویستم هەڵبێم هەڵسووکەوتی توند و بێ بەزەیانەم بینی لەلایەن فەرماندەکانەوە بۆیە پەشیمان بوومەوە. چوونکە دوو کەس لەوانەی شەرڤانی نوێ بەنازناوەکانی هەڵگورد و ریبوار کە ئێرانی بوون ویستیان هەڵبێن کە بە توندی ئەشکەنجە کران و بۆ ماوەیەک لە ژوورە تاریکەکانی گرتووخانە دا دەستبەسەر کران.
مەحموودی لەکۆتایدا بۆ ئاگا کردنەوەی گەنجانی کورد بەمجۆرە دەڵێت: راوێژی من بۆ هاوڵاتییەکەنم ئەوەیە کە بە بانگەشە درۆەکانی پەژاک و پەکەکە هەڵنەخەڵەتێن سەفەر بۆ جەهەنەمی قەندیل بێ گەڕانەوەیە و تەنیا موعجزەیە کە بتوانی رزگارت بێت. قەندیل بۆتە گۆڕستانی کوردان. تەنانەت گەر بتوانی هەڵبێیت تا کۆتایی تەمەنت دەبێت شەوانە شەوە ببینی.