ئەمە ڕاشکاوانەترین لێدوانی حکومەتی عێراق بوو سەبارەت بە بارودۆخی ئەم گروپە تا ئێستا.
بەپێی ڕاپۆرتی چاودێری مافی مرۆڤی کوردستانی ئێران، ڕۆژی سێشەممە 23ی گەلاوێژ، حکومەتی عێراق بە فەرمی چالاکییەکانی پارتی کرێکارانی کوردستان (پەکەکە)ی قەدەغەکردووە، کە ماوەیەکە لە ململانێیەکی درێژخایەندا لەگەڵ تورکیادا بووە.
سەرەڕای قەدەغەکردنی چالاکییەکانی ئەم گرووپە کە لە ئەڵمانیاش بە “گرووپی تیرۆریستی” دادەنرێت، پێدەچێت حکومەتی عێراق ڕەتیکردبێتەوە داواکاری لایەنی تورکیا جێبەجێ بکات بۆ ئەوەی ناوی ئەم گرووپە بخرێتە لیستی ڕێکخراوە تیرۆریستەکانەوە.
تورکیە لە شەڕی دژی پەکەکەدا هەوڵی هاوکاریی زیاتری لەگەڵ بەغدا دەدات. ئەم گرووپە لە هەشتاکانی سەدەی ڕابردووەوە ئۆپەراسیۆنی سەربازی لە دژی تورکیە ئەنجام دەدەن. لە فەرمانێکدا کە ڕۆژی ١٤ی تەمووز دەرچووە و ڕۆژی سێشەممە ٢٣ی خاکەلێوە لە لایەن وەزارەتی کاروباری کارگێڕی پەرلەمانی ئەم وڵاتە بڵاوکراوەتەوە، باس لەوەش کراوە کە ئەلسودانی سەرۆک وەزیرانی عێراق ڕێنمایی دەرکردووە کە ناوی پەکەکە بە “پارتی قەدەغەکراوی زەحمەتکێشانی کوردستان” لە سەرجەم نامە فەرمییەکان بنووسرێت.
ئەمە ڕاشکاوانەترین لێدوانی حکومەتی عێراق بوو سەبارەت بە بارودۆخی ئەم گروپە تا ئێستا.
ڕەجەب تەیب ئەردۆغان، سەرۆککۆماری تورکیا لە مانگی نیساندا بۆ یەکەمجار لە ماوەی زیاتر لە دە ساڵدا سەردانی عێراقی کرد. لەو کاتەدا ئەردۆغان وتی لەگەڵ ئەلسودانی تاوتوێی “هەنگاوی هاوبەشیان کردووە کە دەتوانرێت لە دژی ڕێکخراوی تیرۆریستی پەکەکە و لقەکانی کە تورکیا لە خاکی وڵاتەکەیەوە بە ئامانج بگیرێن”.
