شۆڕش محەممەدی، ئەندامی پێشووی گرووپی چەکداری په‌ژاک و لەدایک بووی ساڵی ١٩٩٢، تەنیا ٢٠ ڕۆژ لە بارەگای په‌ژاک ئامادە بوو.
بە پێی ڕاپۆرتی ڕێکخراوی چاودێری مافی مرۆڤی کوردستانی ئێران لە مەریوانەوە، بارەگای گرووپە میلیشیاکان هێندە قێزەون و بەرگە نەگیراون کە هەموو ئەندامان بە دوای دەرفەتێکدا دەگەڕێن بۆ دەربازبوون لەم بارەگایانە. ئەندامە تازەهاتووەکان بە بەڵێنی سەرنجڕاکێش و درۆوە سەرنجیان بۆ ئەو گروپانە ڕاکێشاوە، هەر کە دەچنە ژوورەوە تێدەگەن کە ئەو بەڵێنانە درۆیە و هەوڵدەدەن بە زووترین کات ئەو گروپە چەکدارانە بەجێبهێڵن. شۆڕش محەممەدی، ئەندامی پێشووی گرووپی چەکداری په‌ژاک و لە دایکبووی ساڵی 1992، تەنیا بیست ڕۆژ لە بارەگای په‌ژاک ئامادە بوو و لە هەمان بیست ڕۆژدا، درکی بەوە کرد کە سروشتی په‌ژاک چییە و لە ئەنجامدا ئەو گرووپە بەجێدەهێڵێت.
کاک محەممەدی لە ساڵی ٢٠١٢ بە هۆی کێشەی بنەماڵەیی و لەژێر کاریگەری بەڵێنی ناڕاستی هێزەکانی په‌ژاک پەیوەندی بەو گرووپە چەکدارییەی باسکراوە و دوای نزیکەی یەک مانگ لە بوونی لە بارەگای ئەو گرووپە، دواجار لە بارەگای په‌ژاک هەڵهات و چووە ناو ئێران. جەختیشی لەوە کردەوە کە پێشتر هیچ ئاشنایەک و حەزێکی بە گروپی په‌ژاک نەبووە و تەنانەت تەماشای کەناڵە سەتەلایتەکانیشیان نەکردووە. تا چەند ڕۆژێک پێش پەیوەندیکردن کە بۆ ئیشکردن چووبووە هەرێمی کوردستان، بە فێڵ و بەڵێنی درۆ ناچار بوو پەیوەندی بە په‌ژاکه‌وه بکات.
پرسیار: کاک محەممەدی! هۆکاری ئەندامێتیتان لە په‌ژاک چی بوو؟ ئایا ئاشنای سروشتی ئەم گروپە بوویت؟ ئایا هیچ کام لە ئەندامانی خێزان و کەسوکارتان ئەندامی ئەم گروپە بوون؟
شۆڕش محەممەدی: ماوەیەکی زۆر لە شارەکەماندا نەمتوانی کارێکی گونجاو بدۆزمەوە و کێشەی دارایی زۆرم هەبوو. هەر لەبەر ئەم هۆکارە بڕیارمدا بچمە عێراق و شاری سلێمانی بۆ ئەوەی لەوێ کارێک بدۆزمەوە. کە گەیشتمە ئەوێ، چوومە گۆڕەپانی سەرەکی شار. هەر لە یەکەم ڕۆژی مانەوەم لە سلێمانی، ماوەیەک لەگەڵ کرێکارانی دیکە کە وەک من بە دوای کاردا دەگەڕان، وەستابووم، لەناکاو ئۆتۆمبێلێکی سپی لەبەردەمماندا سوکانەکەی گرت. باقی کارخوازان هەر کە سەیارەکە و سەرنشینەکانییان بینی ڕایانکرد! سەرەتا تێنەگەیشتم بۆچی ڕایانکردووە؛ بەڵام دڵخۆش بووم و هەستم دەکرد کارێکم دۆزیوەتەوە! لەناو ئۆتۆمبێلە سپییەکەدا چوار سەرنشین بوون؛ دوو کەسیان دابەزین و دەستیان بە قسەکردن کرد، سەرەتا پێیان وتم کە دەیانەوێت لە باخچەیەکدا کاریان بۆ بکەم. منیش ڕازی بووم و سواری ئۆتۆمبێلەکە بووم، بەڵام هێواش هێواش شارمان بەجێهێشت و چووینە ناو شاخ! هێشتا هیچ گومانێکم نەبوو. چونکە سەرەتا هەستم دەکرد ڕەنگە باخەکەیان لە دەرەوەی شار بێت و هەر بۆیەش گلەییم نەکرد. بەڵام دوای ئەوەی بە ڕێگایەکدا تێپەڕین، چووینە ناو شوێنێکەوە کە هەمووان چەکیان بەدەستەوە بوو. من ناڕەزاییم بەرامبەر یەکێکیان دەربڕی و گوتم: بۆ کوێ دەمهێنی؟ هاتمە سەر کار! نە تۆ دەناسم و نە لێرە. هەر ئەو پیاوەی سەرەتا پێی وتم بۆ کاری باخداری من بەکرێ دەگرم وتی ئەوە بارەگای په‌ژاکه و لێرە مەشق و ڕاهێنانتان پێبکرێت و ڕەوانەی شەڕ بکرێن!
پرسیار: کاردانەوەت چی بوو؟
شۆڕش محەممەدی: من توڕە بووم و لەگەڵیان تووشی شەڕ بووم و زۆر ترسام و نەمدەزانی چی بکەم! هیچ هەڵهاتنێکم نەدەزانی! لەو چەند ڕۆژەی لەوێ بووم، دووجار هەوڵمدا هەڵبم، بەڵام دەستگیریان کردم و لەناو یەکێک لە خەندەقەکاندا دەستبەندیان کردم و بە کردەوە زیندانی کرام. چەند ڕۆژێک تێپەڕی و ئازاد کرام. بڕیار بوو بگوازرێمەوە بۆ خولێکی ڕاهێنان. بەڵام خۆشبەختانە ڕێک دوای ٢٠ ڕۆژ لە ڕاگرتنی زۆر لەوێ، توانیم لەوێوە هەڵبێم و بە خێرایی گەیشتمە یەکێک لە گوندەکان و تەلەفۆنم بۆ خێزانەکەم کرد کە شوێنم بکەون. ئیتر ئەندامانی په‌ژاک شوێنم نەکەوتن. بەختم باش بوو کە دەرفەتێک بۆ هەڵهاتن هەبوو و توانیم بەسەر ترسەکەمدا زاڵ بم و هەڵبێم. من تەنها ویستم کار بکەم و تەنها بەدوای کارێکدا دەگەڕام. نە حەزم لە شەڕ بوو و تەنانەت په‌ژاکیشم نه‌دەناسی. ڕەنگە خراپترین ٢٠ ڕۆژی ژیانم ئەو ٢٠ ڕۆژەی لە نێو ئەندامانی په‌ژاک بووبێت.
پرسیار: دواتر چی ڕوویدا؟
شۆڕش محەممەدی: خۆشبەختانە خێزانەکەم بە خێرایی گەیشتنە سلێمانی. گوندنشینەکان منیان تەسلیم بە په‌ژاک و گروپەکانی تر نەکرد. بە بوونی خێزانەکەم و لەبەرئەوەی هیچ کێشەیەکی ترم نەبوو، بەخێرایی سلێمانی بەجێهێشت و چووینە ناو ئێران. ئەو ئەزمونەی لە زیندانی په‌ژاک بووم، لەڕادەبەدەر تاڵ و دڵتەزێنە و تا ئێستاش لەبیرمە.
