فیلمی دیکۆمێنتاریی “په‌ژاره” کە سێ بەشییە و لە لایەن سینەماکاری ئێرانی یەزدان پەروەندەوە دروستکراوە، ڕۆژی سێشەممە لە میانی کۆنفرانسی نێودەوڵەتی بۆ سەرکوتکردنی دارایی تیرۆر لە زانکۆی عه‌لامه‌ی تەباتەبایی لە تاران نمایشکرا
ئەم کۆنفرانسە بە بۆنەی ٢٥ ساڵەی پێشکەشکردنی ڕەشنووسی ئەم کۆنوانسیۆنە بۆ کۆمەڵەی گشتی نەتەوە یەکگرتووەکان، بە ئامانجی پێداچوونەوە و ڕەخنەگرتن و شیکردنەوەی ئەم بەڵگەنامە یاساییە گرنگە بەڕێوەچوو. مامۆستایانی یاسای نێودەوڵەتی لە ئێران و وڵاتانی دیکەوە بەشدارییان لە چالاکییەکەدا کرد.
ئێران وەک یەکێک لە قوربانییە سەرەکییەکانی تیرۆر لە ئاستی ناوچەیی و نێودەوڵەتیدا، لە دەیەکانی ڕابردوودا ڕووبەڕووی کۆمەڵێکی بەرفراوان گرووپی تیرۆریستی و چەکداری بووەتەوە. چالاکیی تێکدەرانەی ئەم گرووپانە کە زۆرجار لەلایەن هەندێک لە زلهێزە بیانییەکانەوە پاڵپشتی دەکرێن، بەشدارییان کردووە لە چڕبوونەوەی ژینگەی ئەمنی لە گۆڕەپانی کۆمەڵایەتی و سیاسی وڵاتدا. هەر لەو پێوەندییەدا فیلمی دیکۆمێنتاریی “په‌ژاره” کە بەدواداچوون بۆ کردەوەی تاقمە تیرۆریستییەکان لە دژی منداڵان و کچانی ئێرانی دەکات، لەم کۆنفرانسەدا پێشکەش کرا. ئەم زنجیرە دۆکیۆمێنتارییە لە سێ بەش پێکدێت بەناونیشانی “دژی کانو”، “لە کوردستانەوە بۆ جنێڤستان” و “ماندوو” و ڕووخساری شاراوەی ئەو گروپە تیرۆریستییانە ئاشکرا دەکات کە بە بەڵێنی فریودەرانەی کارکردن لە هەرێمی کوردستان و کۆچکردن بۆ ئەوروپا، منداڵان و هەرزەکاران هەڵدەخەڵەتێنن و وەریدەگرن. ناوەندی هونەری میدیایی نەهزەت بەرهەمهێنەری ئەم زنجیرە دۆکیۆمێنتارییە.
شایانی باسە کە ئەم کۆنفرانسە بە دەستپێشخەری فاکەڵتیی یاسا و زانستە سیاسییەکانی زانکۆی عه‌لامه‌ی تەباتەبایی و بە هاوکاری لەگەڵ دامودەزگاکانی وەک چاودێری مافی مرۆڤی کوردستانی ئێران، ڕێکخراوی بەرگری لە قوربانیانی توندوتیژی، ئینستیتیوتی لێکۆڵینەوەی یاسای بازرگانی زیرەکی ئارمان، گرووپی پارێزەرانی نێودەوڵەتی ژیپاد، کۆمەڵەی بەرگری لە قوربانیانی تیرۆر، کۆمەڵەی بۆ پشتیوانی قوربانیانی تیرۆر بەڕێوەچوو.
