ئەمانە لەڕواڵەت دا دوژمنی یەکن بەڵام لەپشتی پەردەوە باسی برایەتی گەلان و ئۆجالان دەکەن.
جا بۆ ڕواڵەت و هەڵخەڵەتاندنی ڕای گشتی، شەڕیکی هەمەلایەنەی ڕاگەیاندنی، سەربازی و ڕامیاریان دەست پێکردووە. قوربانی سەرەکی ئەم شەڕانەش منداڵان و کچان و ژنانن.
هێلین موسا ۱۳ ساڵە پۆلی ۵ی سەرەتایی دوێنێ لە قامشلوو لەلایەن گەنجانی شۆڕشگێڕی جەمیل بایکەوە لەڕۆژێک دا لەئۆتۆمبێل کرا و ڕفێندرا.
لە ئەنجامی گەڕان بەدوایدا ماڵباتەکەی دەزانن کە ڕفێندراوە. بەڵام ئەوان لەلایەن پەکەکەوە هەڕەشەیان لێدەکرێت و بەداخەوە ئەم گرووپە لەمەڕ ڕفاندنی ئەو منداڵە خۆی لە گێلی دەدات.
ئەمە لەکاتێکدایە کە شایەتحاڵان کاتی سەرخستنی لەناو ئۆتۆمبێلەکەی یەپەگەیان بینیوە.
ڕۆژانە لە ناوچەکانی ژێر دەسەڵاتی هەسەدە و پەیەدە منداڵان کورد لەسەر ڕێگای قوتابخانە دەڕفێندرێن و بەجێگای پەروەردە و قوتابخانە، بە زۆر پەروەردەی چەک و شەڕکردنیان پێ دەدرێت.
لەکۆتایدا ئەم خاڵە شایانی وتنە کە، ئەم منداڵانە لە تورکیا و ناوچەکانی دیکە دەکوژرێن و دەبێت بگوترێت بە داخەوە خەڵک لەو ناوچانە ئاسایشیان نییە و ترسیان هەیە لە ڕفاندنی منداڵاکانیان.
