ئاژانسی فوارت هی پەکەکە وێنەی منداڵی سەربازی کوژراوی بڵاو کردۆتەوە کە ئەندامی ئەم گرووپە بووە و باسی لەکوژرانی ۴ منداڵی کوردی دیکە لەلایەن سەربازانی تورکیاوە کوژراون لەشاخەکانی باکووری ئێراق کردووە.
هەپەگە باڵی چەکداری پەکەکە ناسنامەی ۴ هێزی منداڵی خۆی کە لەهێرشەکانی تورکیا بەچەکی کیمیەوەی کوژراون لەئاڤاشین راگەیاند.
بەم پێیە هەر ۴ کەس دوو حەفتە پێش لە ۱۰ ی ئۆکتۆبەری ۲۰۲۱ لەناوچەی ئاڤاشین “بە هۆی بوردمانی چەکی کیمیەوی سوپای تورکیا” گیانیان بەخت کردووە.
هەپەگە رایگەیاند کە سێ کەس لەقوربانیان خەڵکی تورکیا و یەکی دیکەیان سوریە.
پەکەکە وەک هەمیشە زانیاری تەواوی لەبارەی ۴ منداڵەکەوە نەخستۆتە ڕوو؛ لەوانە تەمەنەکانیان، تەمەنی کاتی تەڤلی بوونیان بۆ نێو پەکەکە و شوێنی شاردنەوەیان. بەڵام گەر چاوێک بە وێنەکاندا بخشکێنین بەم ئەنجامە دەگەین کە لەژێر تەمەنی یاساییەوە بوون و پەکەکە دووبارە یاسا نێودەوڵەتییەکانی پێشل کردووە و کەڵکی لەمنداڵان لەپێکهاتەی سەربازیدا وەرگرتووە.
ئەم پرسە پیشان دەدات کە رامیاری تەڤلی کردنی منداڵان لەنێو پەکەکە/پەژاک نەگۆڕاوە و سنووردار بە منداڵانی ئێڕانیەوە نییە.
پەکەکە راشکاوانە و بەردەوام مافی منداڵان لەهەموو ئەو وڵاتانەی کە ملیشیای سەر بە خۆی تێدایە پێشل دەکات و یاسا نێودەوڵەتییەکان بە فەرمی ناناسێت و گوێ بە بانگەوازی رێکخراوەکانی نێودەوڵەتی مافی مرۆڤ و داخوازی ویرجینیا گامبا، رێپۆرتەری تایبەتی نەتەوە یەکگرتووەکان بۆ مافی مرۆڤ لەمەڕ راگرتنی تەڤلی کردنی منداڵان نادات و ڕێزی لێ ناگرێت.
تا کاتێک کە خەڵکی کورد راشکاوانە ناڕزایەتی لەمەڕ ئەمە دەرنەبڕن، بەکارهێنانی منداڵان راناگیردرێت. شایانی باسە هێشتا دیار نییە کە بۆ پەکەکە درەنگ مردنی ئەم منداڵانە رادەگەینێت.