پێکدادان لەنێوان هێزەکانی ئاسایش لەگەڵ پۆلیسی سەربازی رووسیا لەقامشلووی سوریا

سەرچاوەیەکی ئاگادار باسی لە پێکدادانی هێزەکانی ئاسایشی ناوخۆی کورد لەگەڵ پۆلیسەکانی رووسیا لەباشووری قامشلوو کرد.

سەرچاوەکە لەگفتگو لەگەڵ ئەلعەرەبیەی نوێی جەختی کردەوە: پۆلیسی سەربازی رووسیا داوای لە هێزەکانی ئاسایش کردووە تا ناوچەی حەی چۆڵ بکەن بەڵام هێزە کوردەکان ئەم ویستەیان رەت کردووتەو و بۆیە پێکدادان رووی داوە، لەکاتێکدا کە دانوستاندن لەنێوان کوردان ویەکینەکانی پاراستنی نیشتمانی سەر بە سوریا شکستی هێناوە.

سەرچاوەکە وتی: دانوستاندنی نێوان دوو لا بەئامادەبوونی نوێنەری نوێی دەوڵەتی سوریا واتە شەوقی ئەلعەلی فەرماندەی تیپی ۱۷ی سوپای سوریا ونوری مەحمموود نوێنەری ئاسایش و نوێنەری رووسەکان کە کۆنترۆڵی فڕۆکەخانەی قامشلیان لەدەستدایە، درێژەی هەیە تا رێگا چارەیەک کە رەزامەندی دوو لای تێدا بێت ببیندرێتەوە.

لەگەڵ دەستپێکردنەوەی ململانێ لەنێوان گرووپە چەکدارەکانی سەر بە دەسەڵاتی سوریا و هێزەکانی ئاسایش لەناوچەکانی ژێر دەسەڵاتی هەسەدە، چەند کەسێک کوژراو و بریندار بوون.

هاوکات لایەنەکان یەکتریان تاوانبار کردووە بە پێشلکاری ئاگربەس. سەرچاوەیەکی ئاگادار وتی کە ئەم ململانێیە لەپەراوێزی گەڕەکی تەی لەباشووری رۆژهەڵاتی قامشلوو، لە پەرواوێزی پارازگای حەسەکێ، رووی داوە و تێدا چەند کەسێک کوژراو و بریندار بوون. هێزەکانی هەسەدە گرووپەکانی سەر بە دەمیشق بەرپرسیاری پێشلکاری ئاگربەس دەکەن.

بە قسەی سەرچاوەیەک ئەم پێکدادانانە جار جار لە گەڕەکەکانی تەی و حلکۆ درێژەی هەیە و هەندێک جار لەڕێگای تەقاندنی گولە و راکێتەوە دەکرێت.

‌هێزەکانی ئاسایش رۆژی یەکشەمە باسی گەیشتن بە رێکەوتنی بۆ ئاگربەسی بەردەوام لەم شارە بە گارەتنی هەسەدە و هێزە رووسیەکان کرد و داوای لە دانیشتووانی گەڕەکی تەی کرد کە لەم ناوچە دەرکەوتوون بگەڕێنەوە و بەڵێنیان دا کە ئاسایشی ئەوێ بپارێزن.

دانیشتوانی ناوچەکە نیگەرانی دووبارە داگیرسانی پێکدادان بەتایبەت دوای درێژەدان بە هەناردنی هیز لەلایەن هەر دوو لاوە بۆ ناوچەکە.

https://ikhrw.com/report/%D8%AF%D8%B1%DA%AF%DB%8C%D8%B1%DB%8C-%D9%81%DB%8C%D8%B2%DB%8C%DA%A9%DB%8C-%D9%86%DB%8C%D8%B1%D9%88%D9%87%D8%A7%DB%8C-%