لەدوو مانگ پێشەوە عەلی کایار، سەرۆکی پێشووی هەدەپە لەشاری سیرت ون بوو. بە قسەی عابد ئیکە نوێنەری هەدەپە لە هەرێمی کوردستان، عەلی کایار یەکێک لەبەرپرسانی ئەو پارتە لە هەرێمی کوردستان و لەشاری سلێمانی بووە و زیاتر لەدە ساڵە کە لەهەرێمی کوردستان دەژیت. ناوبراو نێزیکی دوو مانگ پێش ئێستا بەیانی کاتێک رۆیشت بۆ سەر ئیشەکەی ون بووە و تا ئێستا کەس ئاگای لێ نییە.
عابد ئیکە دەڵێت لەسلێمانی بابەتەکەمان بە پۆلیس راگەیاند بەڵام هێشتا ئەنجامێکی نەبووە. پۆلیسی سلێمانیش پێشتر رایگەیاندبوو کە دەبێت هەدەپە بە شێوازی فەرمی داخواز بکات بەڵام هێشتا داواکارییەکی وەهامان بەدەست نەگەیشتووە.
هەندێک راپۆرتی پشتڕاستنەکراو باسی رەخنەی عەلی کایا لەپەکەکە دەکەن و ون بوونەکەی و رفاندنەکەی بەمە دەزانن کە شتێکی ئاساییە بۆ ئەم گرووپە. بە لە بەرچاو گرتنی سەرەنج نەدانی راگەیاندنەکان پەکەکە بۆ ئەم بابەتە لە دوو مانگی رابردوودا بە پێچەوانەی رەوتی زاڵی لەسەر ئەم راگەیاندنانە، لێدوانەکان لەچوارچێوەی راپۆرتی پشتڕاستنەکراو لەبارەی دەوری پەکەکە لەمبارەوە بەهێزتر دەکات.