بەکار‌هێنانی کەسانی خوار 18 ساڵ لەکاروباری سەربازی بەتایبەت وەک شەرڤان قەدەخەیە و بەگوێڕەی یاسا نێودەوڵەتییەکان وەک تاوان هەژمار دەکرێت. ئەمە لەکاتێکدایە کە هەسەدەی سەر بە پەکەکە کە ئەمریکا پاڵپشتی دەکات لە باکوور و باکووری رۆژهەڵاتی سوریا سەرەڕای بەڵێن داین لەمبارەوە هێشتاش منداڵانی خوار 18 ساڵ بەکاردێنن.
وێنەی دواین نموونەی منداڵی سەربازی ئەم گرووپە لەنێو یۆنیفۆرمی سوپای ئەمریکا سەرنجی بەکار‌هێنەران لە تۆڕەکۆمەڵایەتییەکانی بۆ خۆی راکێشاوە و بۆتە هۆی تووڕەبوونی لایەنگرانی مافی منداڵان و ئەمەیان وەک هاندان بۆ پەرەپێدانی ئەم کردەوەیە ناودێر کردووە.