نوێنەریکی یەکێتی دەڵێت: پەکەکە تەنانەت کۆنترۆڵی گوندێکی لەتورکیا لەدەستدا نییە بەڵام هێزەکانی لەهەرێم بڵاوە پێ کردووە. ئەو دەڵێت: گۆڕەپانی چالاکی پەکەکە لەناوخۆی تورکیایە و دەبێت بڕوات و ئێمە رزگارمان بێت لەشەڕی لەهەرێمی کوردستان. ئۆسمان جەخت دەکاتەوە کە چالاکی سیاسی و سەربازی خۆی لە هەرێم زیادکردووە بەڵام دەبێت بڕواتە کوردستانی تورکیا و لەوێ چالاک بێت. ئەم گرووپە ئێستا بە کردارە توندوتیژییەکانی هەرێمی کوردستانی کردووە بە گۆڕەپانی شەڕی تورکیا. هەرێم بەرانبەر هەڕەشەی هێرشە زەوینی و ئاسمانییەکان تا زیانە توندەکاندایە. بوونی پەکەکە ئابووریشی لاواز کردووە. ئەم بوونە بۆتە هۆی ئەوەی تا سەدان گوند چۆڵ بکرێن و هەزاران ماڵبات کۆچ بکەن بۆ شارەکان. ئەم نوێنەرەی یەکێتی دەڵێت: دەستکەوتەکانی هەرێم بۆ هەموو کوردان گرنگە بەڵام نابێت لەبیر بکەین کە هەرێم لەهەمانکاتدا بەشێکیشە لەئێراق. پەکەکە نابێت ئەم ناوچە ئارام و سەقامگیرە بکاتە شوێنی هاتۆ چوو و چالاکییە چەکداریەکانی. شەڕی تورکیا و پەکەکە زیانی زۆری گەیاندووتە هەرێمی کوردستان. لەم شەڕەدا هەرێم ئامانجە. بەڵام دەبێت پەکەکە وەک حزبێکی کوردستانی تورکیا بڕواتەوە بۆ ئەوێ. نابێت هەرێم ببێتە ناوەندی پێکدادان.
ئۆسمان کەریم جەختی کردەوە: پەکەکە زۆر بێ وێژدانە و بەگشتی بیانوو بەدەستی تورکیاوە دەدات تا هەرێمی کوردستان بوردمان بکات. پەکەکە هێزەکانی با بباتەوە ناوخۆی تورکیا. لەتورکیا شاخ و دەشت و دۆڵی زۆر زیاتر هەن لێڕە. بەڵام پەکەکە بەداخەوە بەئەنقەست بیانوو دەداتە دەستی تورکیا تا هێرشی سەربازی بکات. سەدان گوند تائێستا چۆڵ و وێران کراوەن. ئەوەی من ئاگادارم پەکەکە تائێستا تەنیا گوندێکیشی لەتورکیا کۆنترۆڵ نەکردووە بەڵام هێزەکانی لەهەرێمی کوردستان بڵاوە پێکردووە و ئێرەی کردووە بە گۆڕەپانی شەڕ لەگەڵ تورکیا. پەکەکە دەبێت لێڕە بڕوات و ئەم کێشە و سەرئێشەمانە لەکۆڵ بکاتەوە.